Herd sitt G14 møtte Cosmos i 16. delsfinala av Norway Cup.

– Vi vart åtvara på førehand om at dette var eit fysisk lag, seier den sjokkerte Herd-trenaren, Trond Lervik.

Herd hadde scora eitt par mål og hadde god kontroll på ballen.

– Dei russiske spelarane vart stadig meir irriterte og aggressive, og spelinga vart meir retta mot overfall enn vanleg takling. Eg var til tider redd for spelarane mine, seier Lervik.

Sjølve åtaket starta med at den russiske keeperen sparkar ned ein av Herd-spelarane etter ein corner. Keeperen fekk raudt kort og måtte forlate bana.

Godt ut i kampen bestemmer keeperen seg for å ta hemn. Han styrta ut på bana for å sparke ned ein ny spelar.

Dommaren blåste av kampen, men når Herd-spelarane skulle forlate bana, vart fleire angripne av det russiske laget.

– Ein av spelarane klarte så vidt å puste etter eit hardt spark i magen, og ein annan vart sparka hardt i brystkassa. Vi opplevde det som svært ille, seier trenaren.

Det russiske laget utestengt onsdag kveld frå Norway Cup.