9-åringar i Hedmark og Oppland er mest aktive
Det er store forskjellar i kor aktive 9-åringar er rundt om i landet.
Ei undersøking, som ser på born og unge si helse i Noreg, syner at born i Hedmark og Oppland er over 20% meir aktive enn born i Oslo og Akershus.
Faktisk så er det ni år gamle jenter i Hedmark og Oppland som er mest aktive i heile landet.
- Eg både dansar og turnar, seier Shukri.
Ho går i 4.klasse og seier at ho likar å vera aktiv.
Rapporten syner òg at norske 9-åringar er meir aktive enn utanlandske 9-åringar. Denne forskjellen jamnar seg ut når borna bli eldre. Når ein blir 15 år er ein om lag like aktiv som jamnaldringar i utlandet.
Kor aktiv er du?