Forskarar har åtvara om at innlandsisen på Grønland smeltar mykje raskare enn det ein trur.

For første gong skal ein no bora i noko som ein kallar isstraumar. Det er nesten som elver av is som vert ført ut i havet. 

Dei ynskjer å finna ut korleis isen kan flytta på seg så raskt.

Desse isstraumane er ein av dei viktigaste grunnane til at innlandsisen smeltar.

Forskarane vil samanlikna dagens klimaendring med klimaendringar som har vore gjennom tidlegare år. Dei vil finna ut om til dømes issmeltinga skjer raskare no enn ved førre gong det var ei oppvarmingstid på jordkloda.

Svara vil me truleg ikkje få før om nokon år.