M&M-feberen har for lengst kryssa landegrensene våre, og i Sverige blir gutane meir og meir populære.

Manageren til Marcus og Martinus seier til VG at dei hadde ei god magekjensle på  at salet i Sverige skulle gå bra, men dei hadde ikkje trudd at konserten skulle bli utseld så fort.

Det tok nemleg berre 14 minutt før alle dei 12 000 billettane var selt.

Det vart satt opp ekstrakonsert sama dag for dei som ikkje fekk tak i billett. Allereie på laurdag nærma den konserten seg òg utseld.

Tvillingane veks seg berre større og større hos naboane våre. Ifølgje VG vert dei no streama meir i Sverige enn i Noreg.

Det er ikkje første gong duoen skapar hysteri hos svenskane. I sommar måtte fornøyelsesparken Liseberg stenga inngangen då Marcus og Martinus skulle opptre, det var rett og slett for mange som ville sjå gutane frå Trofors.

Kva syns du om at dei blir større og større?