– Det blir kanskje ikkje like mykje speling som det har vore i sumarferien, for vi har jo lekser og skule, seier Ida Skappel.

Ho er i Frognerparken i Oslo for å gjere siste innspurt i den digitale Pokémon-jakta før sumarferien er over.

I sumar har mobilspelet Pokémon Go rast som ein farsott over verda.

Men om norske spelpedagogar får det som dei vil, treng ikkje skulestart bety slutten for Pokémon-spelinga til Skappel.

Ifølgje Tobias Staaby, spellærar i Bergen, passar mobilspelet Pokémon Go godt til undervisning, til dømes i historie.

– Spelet er av og til er knytt til historiske minnemerke, der spelarane får opp litt tekst med informasjon om det dei ser.

– For eksempel kven ein statue er av. Slik kan spelet  nyttast i eit prosjekt i lokalhistorie.

– Elevane går ut og leiter etter slik informasjon i nærleiken av der dei bur, og skriv ei oppgåve om det dei finn, seier Staaby.

Er dette ein god idè?