«Tippeligaen» får nytt namn
Den øvste divisjonen i norsk herrefotball skal få nytt namn. Kva det nye skal blir, har dei ikkje funne ut enno.
Sidan 1990 har eliteserien vorte kalla Tippeligaen. Namnet fekk divisjonen etter at Norsk Tipping gjekk inn som hovudsponsor - altså dei som støttar divisjonen med pengar og anna hjelpemiddel mest.
Norsk Tipping vil framleis sponsa den norske toppfotballen. Men namnet vil no bli nytt.
Noregs Fotballforbund seier at dei vil ha eit nytt namn frå 2017.
Dei ønsker at store klubbar, supportarar og andre samarbeidspartnarar skal vera med å utvikla det nye namnet.
Kva syns du eliteserien kan heita?