Verdas beste frikøyrar døydde i snøskred
Verdens beste kvinnelege frikøyrar på snowboard, Estelle Balet, døydde i eit snøskred i går.
Estelle var berre 21 år gamal og ei av dei beste i verda på snowboard. For to veker sidan vann ho sin andre verdscup blant ekstremkøyrarar.
På tysdag skulle ho vere med i ein ny snowboardfilm, men på veg ned fjellet gjekk snøskredet.
Sjølv om Estelle hadde alt av det beste skredutstyret klarte ho dessverre ikkje å overleve. Ein annan snowboarder som også var med i filmen overlevde skredet.
- Dette er ei påminning om at uansett kor god ein er og kor godt forberedt ein er, vil det alltid vere usikkert og kan vere farleg med ekstremkøyring i fjellet, sa Nicolas Hale-Woods som jobbar med snowboard.