På ein sykkel i eit spinningrom i Sarpsborg sykla Eirik det han klarte.

Saman med 750 andre sykla han for å samla inn pengar kreftforeningen. I tilsaman 12 timar heldt dei sykkelen i gong og samla inn over 115 000 kroner. Dei skal gå spesielt til born som får kreft.

Eirik hugsa godt då han sjølv vart sjuk av lymfekreft.

- Eg hugsar at eg vart ganske lei meg og redd for om det skulle skje noko. Det var skummelt og den verste tida i livet mitt, seier Eirik.

I fjor fekk Eirk gladmeldinga om at han var blitt frisk.

- Då vart eg så glad. Me arrangerte ein filmkveld med klassen der me åt pizza og feira at eg var frisk.

Han har eit råd til dei som vert sjuke.

-Ikkje gje opp at du kan verta frisk, seier Eirik.

nrk.no