Janne og Luca flytta til skogs
Janne tok med seg hunden sin og flytta frå byen. Midt i skogen - langt frå folk - venta det ei lita hytte.
- Eg har aldri angra, seier Janne.
Ho skulle eigentleg berre bu i hytta i to månadar. Men eitt år etterpå bur ho framleis i skogen.
- Eg klarte ikkje å flytta. Eg vart avhengig av naturen og av at det var stille.
Kvar dag går ho 45 minutt på ski for å koma seg til jobben i barnehagen i byen.
På hytta klarar ho seg utan mobildekning, straum og innlagt vatn.
Dusjen tek ho på treningssenter i byen.
Kunne du ha klart deg utan mobildekning, straum og innlagt vatn?
Sak henta frå NRK Nordland