Det er ikkje kven som helst som ynskjer å sjekka ut ungguten frå Australia.

Real Madrid, Juventus og Manchester City er nemleg klare til å ta imot fotballtalentet.

28.januar skal Ari reisa til England for å prøva seg i Manchester City i heile to veker. Vidare går turen til Spania og Real Madrid, deretter ventar Juventus.

Heima i Sydney i Australia har Ari trent saman med dei som er to år eldre enn seg. Trenaren hans seier at Ari likevel leikar seg med dei andre spelarane.

Ari kom til det australske fotballakademiet allereie som 4åring. Trenaren hans seier at han såg allereie då at Ari kom til å merka seg som ein god fotballspelar.

Han påpeiker likevel at sjølv om Ari skal på prøvespeling, er det ikkje sikkert at han vert teken ut til nokon av laga.