Å utforska ei detaljert spelverd kan ha sama verknad som å gå rundt i den verklege verda. Det meiner nokre forskarar i USA.

Dei testa hugset til ei gruppe menneske som hadde spelt ulike spel over ein periode.

Før dei starta prosjektet måtte alle deltakarane ta ein test som sjekka kor godt dei hugsa.

Vidare fekk eine delen av gruppa spela Angry Birds ein halvtime kvar dag i to veker. Den andre delen av gruppa fekk spela Super Mario i 3D.

Etter to veker måtte begge gruppene sjekka kor godt dei hugsa.

Gruppa som hadde spelt spel med 3D-grafikk fekk betre resultat på hugsetesten enn ved førre test.

Gruppa som hadde spelt Angry Birds, som ikkje har 3D-grafikk, fekk det same resultatet som sist.