300 millionar menneske i India har ikkje straum
Veldig mange i India har ikkje straum og elektrisk lys.
Utan straum må folk som jobbar slutte å jobbe når sola går ned.
Mange av menneska har heller ikkje elektrisitet til å varme opp husa dei bur i eller kjøle dei ned når det blir varmt om sommaren. Dei har ikkje kjøleskap, radio og TV, slik som me har her i Norge.'
Barna som lever utan straum og elektrisitet har vanskeleg for å gjere lekser, sidan det fort blir mørkt. Det gjer at dei ikkje blir så flinke på skulen.
Forureining
For å lage elektrisitet og straum må ein ha energi. Energien kan komme frå solceller for eksempel.
I India har dei sagt at dei skal prøve å ha mykje solcelle-energi, men det er ikkje nok til å lage straum til alle.
I tillegg til solceller må India brenne kol for å få nok energi til å lage straum til alle dei som ikkje har det. Og det forureinar mykje.
- India må få lov til å forureine for å få straum
Dei to forrige vekene har alle landa i verda har vore samla i Paris for å prøve å finne ei avtale på korleis ein kan slutte å forurense.
Mange land vil at India skal slutte å forurense og brenne kol, men presidenten seier han må gjere det for å få nok straum.
Han meiner dei fattige landa må få lov til å få straum, og at dei rike landa må kutte mest på forureininga.