I sommar var Ellen i Rwanda i Afrika. Der møtte ho nokon albinoborn som måtte flykta frå heimane sine.

Når ein er albino har ein ikkje fargestoff i huden sin, og ein vert difor kvit.

I mange land i Afrika er det veldig farleg å vera albino. Mange trur nemleg at kroppsdelar frå albinoar kan bringa hell og lukke.

Difor er det nokon som leitar etter vaksne og born som er albino for å ta frå dei armar og bein.

Rundt om i verda finst det organisasjonar som prøver å hjelpa albinoborna. Men det er ikkje eit problem som så mange snakkar om.

Difor ville Ellen samla inn pengar til albinoborna i Rwanda.

Saman med vennene sine laga ho ein danseopptreden og ein loppemarknad.

Kva sak engasjerer du deg i?