Fleire får sjukdommen ME (Myalgisk encefalopati, eller kronisk utmattingssyndrom.) I aldersgruppa 10 til 34 år er det fem gonger så mange som har denne sjukdommen i dag, som det var for 8 år sidan.
- Dette er heilt sjukt, seier Trude Schei som jobbar med folk som har ME.
Ho er overraska over at det er så mange som har sjukdomen i dag.
ME er ein ganske mystisk sjukdom. Ingen veit heilt sikkert kva som er årsaka til sjukdomen, eller kva som gjer at nokon blir betre og andre ikkje.
Dei som har denne sjukdommen blir veldig slitne. Nokon må ligge i senga heile tida, medan andre orkar å gjere litt.
- Me må finne ut kvifor så mange har denne sjukdomen og kva årsaka er og korleis me kan gjere alle desse menneska friske, seier Trude Schei.
Berre i fjor var det over 1525 menneske mellom 10 og 34 år som fekk ME.
I 2008 var det berre 306. Det er ei stor auke.