Regnet angrip frå alle kantar når nasjonaldagen nærmar seg. Men fortvil ikkje, varselet er framleis usikkert.
I Sør-Noreg:
Torsdag og fredag blir det knallver i heile Sør-Noreg. Dessverre kjem ikkje sola for å bli. Laurdag kjem allereie regn og skyer. Det er usikkert kor lenge regnet kjem til å vare, men våtast blir det på Vestlandet, seier statsmeteorolog, det vil si ein som jobbar med vêret, John Smith.
På 17.mai går regnet på Vestlandet over til byger. Det vil si at det enten kan regne kjempemasse eller ikkje i det heile tatt. På Austlandet kan det også komme regnbyger, men meteorologane trur ikkje det blir så ille som på Vestlandet.
I Nord-Noreg:
Medan Sør-Noreg kan nyte sola på torsdag og fredag kjem det til å vere kaldt og mykje vind i nord desse dagane. Det kan til og med starte å snø oppe i fjella. Laurdag blir det finare, men det er framleis usikkert om finvêret heldt seg til sundag og 17.mai. Aller finast vêr i Nord-Noreg reknar meteorologane er sør i Troms og Nordland.
Forskarar og meteorologar har regna ut at det er så stor sjangse for regn på 17.mai:
- Bergen 70%
- Trondheim 35%
- Tromsø 20%
- Oslo 15 %