Fotografen Vesa Lehtimaki frå Finland starta å fotografere legoen til ungane sine for mange år sidan. Det syntes han var så kjekt at han ikkje klarte å slutte med det.
Vesa synest det er spennande å lage bilete som ser ut som dei er tatt på ein annan planet. Det ser kanskje vanskeleg ut, men Vesa fortel at alle kan lage slike bilete:
- Eg brukar som regel berre ting eg har heime. For å lage snø brukar eg for eksempel bakepulver eller melis.
Han brukar sette kameraet opp på eit stativ. På kjøkkenbenken legg han pappark som bakke og himmel. Så brukar han melis som snø og sett legofiguren oppå. For å få snøen til å sjå ut som den føyker brukar han å blåse på han eller bruke ein hårfønar som skapar vind. For å få til litt spennande lys brukar han enten ei lommelykt eller blits.
Av og til puttar han legofigurane i akvarium for å få det til å sjå ut som det er skodda. Skal han ha svevande romskip brukar han henge dei opp med fiskesnøre i taket.
