Hanekam er er blitt ein populær hårsveis blant gutar i Iran dei siste åra. No meiner grupper at gutar ikkje lenger skal ha lov til å ha denne frisyra.
- Frisørar som klypper slike frisyrer vil få streng straff og miste papira sine, fortel Mostafa Govahi. Han er leiar for frisørforeininga i Iran og meiner hårfrisyra dyrkar fram djevelen.
I tillegg til at det er forbode med hanekam er det blitt uloveleg for gutar å ta tatoveringar, solarium eller nappe augebryna sine.
Iran har fått mykje kritikk fordi dei ikkje følger menneskerettane. Menneska som bur i Iran har ikkje lov av dei som bestemmer til å drive med nettdating eller vere med i konkurransar på You Tube. Dessutan har mange blitt dømt til døden utan å ha hatt ein rettferdig rettsak fyrst.
